თურქეთში მომქმედმა საზოგადოებრივმა ორგანიზაციამ «ჩერქეზეთის პლატფორმამ» მოუწოდა მსოფლიოს ყველა ქვეყანაში მცხოვრებ ჩერქეზებსა და მათ ორგანიზაციებს ერთდროულად, ერთიანი ლოზუნგებით და გაერთიანებული ფრონტით აღინიშნოს ჩერქეზების გენოციდის დღე 21 მაისი.
არის მცდელობა, რომ ამ თარიღის აღნიშვნა მოხდეს დაკნინებულად, სხვადასხვა დროს, განსხვავებული ლოზუნგებით, ზოგიერთი ავტორიტეტული ლიდერის გვერდზე გაწევით და სხვა. 21 მაისის რეზონანსულად აღნიშვნაში მნიშვნელოვანი როლი უნდა ითამაშოს მრავალრიცხოვანნმა საზღვარგარეთულმა ორგანიზაციებმა, რომელთა ერთიანობა «წმინდა კავშირად» უნდა იწოდებოდეს.
- უნდა შევახსენოთ აგრესიული და მოძალადე ცარისტული რუსული სახელმწიფოს სამართალმემკვიდრეს, რომ მიუხედავად იმისა, რომ მათ სამშობლოდან გააძევეს ან გაანადგურეს ჩერქეზების 90%, ჩერქეზი ერი მაინც განაგრძობს არსებობას და ის აუცილებლად აღადგენს თავის სახელმწიფოს – ნათქვამია მოწოდებაში.
«ჩერქეზეთის პლატფორმა» აქციებს იწყებს ქ.სტამბოლში, ტაქსიმის მოედანზე 15 საათზე, საიდანაც პლაკატებით გაემართებიან რუსეთის საკონსულოს შენობისკენ.
მიმართვის ავტორები მოუწოდებენ ჩერქეზულ ორგანიზაციებს ანალოგიური საპროტესტო აქციები გამართონ ყველა იმ ქვეყნებში, სადაც ფუნქციონირებს რუსეთის დიპლომატიური წარმომადგენლობები.
|