ოკუპირებული აფხაზეთის მარიონეტული რეჟიმის ხელმძღვანელზე - ალექსანდრე ანქვაბზე თავდასხმის გამოძიებასთან დაკავშირებით ამავე რეჟიმის პროკურატურამ ანგარიში წარადგინა. "გენპროკურორმა" საფარბეი მიქანბამ უარყო ინფორმაცია იმასთან დაკავშირებით, რომ გამოძიება მკაცრად გასაიდუმლოებულ ვითარებაში მიმდინარეობს და აღნიშნა, რომ პროკურატურა "საზოგადოებას ინფორმაციას იმ სახითა და მოცულობით აწვდის, რომელიც დაშვებულია საპროცესო კანონმდებლობით და ზიანს არ აყენებს სასამართლოს მუშაობას".
ამასთან მიქანბა "დაჟინებით აძლევს რეკომენდაციას ყველას მათ, ვინც კი ცდილობს საჯაროდ გამოხატოს საკუთარი დამოკიდებულება საქმესთან დაკავშირებით, რაც თავის მხრივ ზეგავლენას ახდენს საზოგადოებრივ აზრზე და უშუალოდ გამოძიების პროცესზე, კარგად გაეცნონ პროცესუალურ კოდექსს".
|