რუსეთის მუსულმანთა ლიდერები რუსეთის ფედერაციაში ადვოკატ დაგირ ხასავოვის შარიატის სასამართლოების ლეგალიზაციის იდეის წინააღმდეგ გამოვიდნენ.
როგორც სააგენტო "Интерфакс"-ს მუსულმანთა ცენტრალური სასულიერო სამმართველოს მეთაურმა, რუსეთის უმაღლესმა მუფტიმ ტალგათ ტადჟუდინმა განუცხადა, ქვეყანაში "არის თავისი სასამართლო სისტემა, და მუსულმანები როგორც რუსეთის სრულუფლებიანი მოქალაქეები, იმით სარგებლობენ". მისი სიტყვებით, "რუსეთის მუსულმანებს შორის სადაო საკითხების განხილვაში შესაძლო წვლილი მუფტიატებს შეაქვთ".
იმავდროულად მოსკოვის მუფტიატის მეთაურმა ალბირ კარგანოვმა განაცხადა, რომ "რუსეთში არაერთი საუკუნეა არსებობს რელიგიური მოსამართლეების - ყადიების ინსტიტუტი. რუსეთის მუსულმანებს გააჩნიათ საშუალება მიმართონ მათ, ვიდრე ისინი წავლენ სამოქალაქო სასამართლოში". მას სრულიად "შესაძლებლად მიაჩნია" რელიგიური და სამოქალაქო სისტემების ასეთი ერთიანობა. ხოლო რაც შეეხება შარიატს, კარგანოვის სიტყვებით, ის მისაღებია მხოლოდ რელიგიურ სახელმწიფოებში - ისეთებში, როგორიცაა: ირანი, საუდის არაბეთი და კატარი. ხოლო რუსეთის მაღალ საზოგადოებაში შარიატი "ძალიან ნეგატიურად" აღიქმება.
|