უცხოეთში მცხოვრები თანამემამულეების სამშობლოში ნებაყოფლობით გადმოსახლების სამთავრობო პროგრამის თანახმად, ყაზახეთიდან და ყირგიზეთიდან სტავროპოლის მხარის აღმოსავლეთ რაიონებში, რომლებიც დაღესტანსა და ჩეჩნეთს ესაზღვრება, ჩამოასახლებენ რუსულენოვან კაზაკურ ოჯახებს. სტავროპოლის სამხარეო ადმინისტრაციის ცნობით, ბოლო წლებში ეს ადგილები "უცხო კულტურის ზეწოლით" დატოვა რუსულენოვანმა მოსახლეობამ და დაიკავეს დაღესტნელმა მწყემსებმა.
ამ გეგმის პარალელურად სტავროპოლისა და ნევინნომისკის მართლმადიდებლური ეპარქიის ხელმძღვანელობამ "აღმოსავლეთ ზონაში" სულიერი ცხოვრების აღორძინების მიზნით, მიიღო გადაწყვეტილება 2015 წლამდე ამ რეგიონში 24 მართლმადიდებლური ტაძრის და დამატებით 51 სასულიერო პირის გაგზავნის შესახებ.
აღნიშნული ღონისძიებების განხორციელებასა და მათ დაფინანსებაში აქტიურ მონაწილეობას მიიღებს რუსეთის საპატრიარქო და ჩრდილოეთ კავკასიის ფედერალური ოლქის ადმინისტრაცია ალექსანდრე ხლოპონინის მეთაურობით.
|