ჟენევის მოლაპარაკებების თანათავმჯდომარეები დღეს ოკუპირებულ აფხაზეთში ჩავლენ. ისინი აფხაზეთის მარიონეტული რეჟიმის "საგარეო საქმეთა მინისტრს" შეხვდებიან.
დელეგაციის შემადგენლობაში სამხრეთ კავკასიასა და საქართველოს კრიზისის საკითხებში ევროკავშირის სპეციალური წარმომადგენელი ფილიპ ლეფორი, გაერო-ს გენერალური მდივნის წარმომადგენელი ანტი ტურუნენი და ეუთო-ს თავმჯდომარეობის წარმომადგენელი პოდრიგ მერფი არიან.
შეგახსენებთ, რომ საქართველოში ვიზიტის ფარგლებში ჟენევის მოლაპარაკებების თანათავმჯდომარეები გუშინ საგარეო საქმეთა მინისტრის მოადგილეს, ჟენევის მოლაპარაკებებში ქართული დელეგაციის ხელმძღვანელს სერგი კაპანაძეს შეხვდნენ.
მანამდე კი ჟენევის მოლაპარაკებების თანათავმჯდომარეები ოკუპირებული ცხინვალის რეგიონში იმყოფებოდნენ.
მხარეები ჟენევის მოლაპარაკებების რიგით მე-20 რაუნდზე განსახილველ საკითხებს განიხილავენ, რომელიც მიმდინარე წლის 8 ივნისს გაიმართება.
|