12 მაისს რუსეთის პრეზიდენტი ვლადიმერ პუტინი ქ.სოჭში შეხვდა ჩრდილოეთ კავკასიის რეგიონის ხელმძღვანელებს, მათ შორის სეპარატისტული აფხაზეთის და სამხრეთ ოსეთის ე.წ. პრეზიდენტებს. ამ უკანასკნელებს მორალურ მხარდაჭერასთან ერთად სამხედრო და ფინანსური დახმარებაც აღუთქვა.
საინფორმაციო საშუალებებმა ყურადღება გაამახვილეს ჩრდილოეთ ოსეთის მეთაურის თეიმურაზ მამსუროვის განცხადებაზე, რომელიც მან ვლადიმერ პუტინთან შეხვედრის შემდეგ გააკეთა. მისი თქმით, "ყველა ოსი, რომელიც თავის თავს პატრიოტად თვლის, უნდა წავიდეს სამხრეთში, სადაც იწყება დიდი საქმეების კეთება და სადაც იწერება ოსეთის ახალი ისტორია".
ამ "ისტორიული" მოწოდების შემდეგ საზოგადოებაში დაიბადა კითხვა: ბატონი მამსუროვიც, როგორც ნამდვილი ოსი პატრიოტი, ხომ არ აპირებს "სამხრეთში" წასვლას და იქ ოსეთის ახალი ისტორიის დამწერთა რიგებში ჩადგომას?
|