RSS
რუსმა სამხედროებმა მდინარე ენგურის სანაპიროსთან ოთხი პირი დააკავეს
25.07.2013 11:02

რუსმა სამხედროებმა მდინარე ენგურის სანაპიროსთან ზუგდიდის მუნიციპალიტეტის სოფელ შამგონას ორი და ოკუპირებული თაგილონის ამდენივე მკვიდრი ერთდროულად დააკავეს. სოფელ შამგონაში მცხოვრები 25 წლის ბადრი ქირია ამ დრომდე ოკუპირებული გალის რაიონის წინასწარი დაკავების იზოლატორში რჩება. გათავისუფლებულია მისი მეზობელი, გოგა ჯონჯუა და ოკუპირებული თაგილონის მკვიდრი ახალგაზრდები.

გოგა ჯონჯუას ოჯახის წევრების განცხადებით, რუსმა სამედროებმა თავად დაუძახეს ახალგაზრდებს, საზღვრის გადაკვეთა და მათთან მისვლა სთხოვეს:

„ფიჩხის შესაგროვებლად წავიდნენ. რუსებს უთქვამთ, გადმოდით ბიჭებო აქეთო. ესენი არ წასულან, მაგრამ გადმოდით, გეხვეწებით გადმოდითო და გადავიდნენ. მაშინ აიყვანეს“, - ამბობს გოგა ჯონჯუას ბებია, ლაურა ღურწკაია.

გოგა ჯონჯუას დედის განცხადებით, მისი შვილი გაათავისუფლეს, რადგან ის არასრულწლოვანი იყო.

რუსმა სამხედროებმა ბადრი ქირია და გოგა ჯონჯუა 23 ივლისს, საღამოს, მდინარე ენგურის სანაპიროზე ფიჩხის შეგროვების, ხოლო ოკუპირებული თაგილონის მკვიდრი ორი ახალგაზრდა თევზაობის დროს დააკავეს. გოგა ჯონჯუა და ორი ახალგაზრდა რამდენიმე საათში გაათავისუფლეს.
 


 
 
მასალის გამოყენებისას აუცილებელია Expert Club-ზე ლინკის მითითება
  
სიახლე და კომენტარი
მასობრივი ინტოქსიკაცია აფხაზეთში - დაიხურა სკოლები და ბაღები
28.11.2013 11:29
იუსუფ ლაკაევს სოხუმის “სასამართლომ” დაუსწრებლად პატიმრობა შეუფარდა
01.11.2013 17:11
მარგველაშვილი - აფხაზები თავად მოინდომებენ ქართველებთან ცხოვრებას
01.11.2013 11:26
ესტონურმა სასმელების ჰოლდინგმა,აფხაზეთში ექსპორტი შეწყვიტა
01.11.2013 10:55
ხაჯიმბა ალექსანდრე ანქვაბის იმპიჩმენტის საკითხის დაყენების ინიციატივით გამოდის
31.10.2013 19:34
რუსული კომპანია МТС-ის მიმართ სამართლებრივი ზომები იქნება მიღებული
29.10.2013 17:54
აფხაზეთში ქართველების პასპორტიზაცია ჟენევაში იქნება განხილული
29.10.2013 17:48
აფხაზეთში 3 ეთნიკურად ქართველი ხელკეტებით სცემეს
29.10.2013 17:42
ყველა სიახლე